Puisi Tema “Antikorupsi” Olih I G.A. Deliyana Utami

PALING ULIAN PIPIS

oleh: I G.A. Deliyana Utami

Makejang paling ulian pipis

Paling sing ngelah pipis

Di kenehné tuah pipis

Pegaéané tuara bakat jemak ulian pipis

Engsap kén piteket rerama

Engsap kén dharma

Engsap kén agama

Engsap kén braya

Ada né korupsi

Ada né kolusi

Ada né népotisme

Makejang ulian pang énggal ngelah pipis

NGALIH ALUH

oleh: I G.A. Deliyana Utami

Makejang anaké demen ngalih aluh

Tusing tuyuh

Tusing mesuang peluh

Tusing muani tusing luh

Muridé melajah pang aluh

Ngalih gaé pang aluh

Mekita ngelah pipis sakéwala magaé pang né aluh

Di kenehné tuah né aluh-aluh

Korupsi gegaé ané paling aluh

Ngelah pipis aluh

Sugih aluh

Masuk penjara masi aluh

I G.A. Deliyana Utami

embas ring Jakarta, 22 Juni 1980, dados mahasisia semester VII, ring Prodi Pendidikan Bahasa Bali, STKIP Agama Hindu Amlapura