Anak Madasi
Olih : Ni Kadék Dwi Satya Ambarawati
Apa ané ia pegaénin?
Apa ia lega nyemak gaé kéto?
Apa ia bangga?
Ia anak terhormat
Ia anak madasi
Ia negak di kursi bergengsi
Nanging ia nyemak hak anak lén?
Ia anak dueg ané tusing ngelah pangrasa
Ia tusing marasa kapining dosa
Kramané kéweh ngalih pamelin nasi
Pesu peluh apang nyidayang napak pertiwi
Nanging anak madasi ento tetep melali
Kema mai tusing peduli
Jadmané di betén sakit ati sabilang wai
Korupsi
Olih : Ni Kadék Dwi Satya Ambarawati
Korupsi….
Ngalih untung pedidi
Kapining anak lén tusing peduli
Ané penting maan lega di ati
Korupsi…..
Sampun dadi tradisi
Semaliha uli jaman ilu
Kanti neked jani
Korupsi….
Sampunang melihang guru
Sampunang melihang pendidikan
Pelihang anggané soang-soang
Korupsi….
Ten taén guru ngajahin kéné kéto
Rerama masi pepes mabesen
Apang iraga tetep ngastiti Widhi
Ni Kadék Dwi Satya Ambarawati
embas ring Seraya, 24 Oktober 1995, dados mahasisia semester VII, ring Prodi Pendidikan Bahasa Bali, STKIP Agama Hindu Amlapura
Hubungi kami di WhatsApp