KORUPTOR #1

Olih: Ni Komang Miniasih

Nika sané madué jabatan

Malinggih ring ajeng podium

Munyiné paling kagugu

Kocap kemu-mai masepatu baru

Nganggo jas lan dasi

Malancaran kemu mai

Nglindeng ka dura negara sabilang wai

Saget lepet nasibné

Ulian maling pipis rakyat

Ané maling tusing nak lén

Tuah i koruptor

Jani mejuk bayuné ngetor

Negak di tengah jeruji besi

Ngetélang yéh mata

Makamen di sunduk, maseselan

 

KORUPTOR #2

Olih: Ni Komang Miniasih

Aduh manes dingin guminé jani

Kebus sekadi makukus

Ada né ngeling kanti ngeliling

Telah pipis amah maling

Telah ulian koruptor

Koruptor anak sane momo

Momo arta berana

Tusing kerasa iya suba mabaju oranye

Mara inget tekén déwék pelih

Panak somah pade ngeling

Gumi wayah tusing buin tis

Tis cara ngaba pipis

 

Ni Komang Miniasih

embas ring Karangasem, 10 Juli 1998, dados mahasisia semester VII, ring Prodi Pendidikan Bahasa Bali,  STKIP Agama Hindu Amlapura

Leave A Comment

All fields marked with an asterisk (*) are required

Hubungi kami di WhatsApp
1