SASULUH KARMA

olih: Ni Komang Waming Sali

Pipis sing mapeluh

Ngalih pipis ulian aluh

Setata nyemak gaé aluh

Tuah nguluk-nguluk anak tuyuh

Sing taen ngelah keneh ané inguh

 

Jani idup di mercapada sing tuyuh

Di  pademé lakar pesu peluh

Ngayahang karmané ané tuyuh-tuyuh

Mata masuluh, limané masuluh

Sirah masuluh, makejang masuluh

To karma, demen nyemak gaé aluh

 

PIPIS

olih: Ni Komang Waming Sali

Kéweh ngenehang guminé

Ogoh-ogoh ngantos koh

Rusuh tusing enduk

Unduk suba ngluluk

Tusing buin bakat duduk

 

Pipis dadi ratu muduhin

Setata dot ngalih ulian aluh

Ingetang ragané mapikolih ané patut tuut

 

Eda ngaé bangbang

Kadong mawadah bungbung

Kéweh mengbeng lakar pesu

Lan rahayuné jujuh

Apang tusing kasengguh buduh

 

Pang duweg jani

Ngolahang pipis ane sujati

Pang sing iraga kanti olah pipis

Apang tusing cara sasenggakan Bali

Lelipi ngalih gagitik

 

Ni Komang Waming Sali

embas ring Munti Gunung, 15 Juli 1990, dados mahasisia semester VII  ring Prodi Pendidikan Bahasa Bali, STKIP Agama Hindu Amlapura

Leave A Comment

All fields marked with an asterisk (*) are required

Hubungi kami di WhatsApp
1