MALINGEB

olih: Ni Luh Putu Ari Astini

Dayané corah tur momo

Nyisik…nyisik…nyisik…

Mamesik natah linggah

Duh!

Dayané corah

Nguberin keneh

Dayané momo

Ngulurin indriya

Jani malingeb!

Mabalik, sengsara di kerangkéng besi!

 

MANAS

olih: Ni Luh Putu Ari Astini

Manasé manis

Manis manasé

Majempong raja, kulitné kuning jegég

Manasé manis

Manis manasé

Dadi gelungan raja, cocok!

Nanging manasé ngenitin

Isiné telah ngenitin

Kéto undukné Pak Anu!

Nguberin sekaya, ngulurin ahamkara

Duh! Tepuk luung! Jelék rasa!

Tabik! Tabik! Tabik!

Nguberin artha, nepuk sengkala

 

Ni Luh Putu Ari Astini

embas ring Penaban,1 Februari 1993, dados mahasisia semester VII  ring Prodi Pendidikan Bahasa Bali, STKIP Agama Hindu Amlapura

Leave A Comment

All fields marked with an asterisk (*) are required

Hubungi kami di WhatsApp
1